Среда, 14.11.2018, 15:16
Приветствую Вас Гость | RSS



Сайт МБОУ "Ацагатская средняя общеобразовательная 
школа-интернат им. Агвана Доржиева"
Меню сайта
Block title

Статистика

Онлайн всего: 1
Гостей: 1
Пользователей: 0
Главная » 2014 » Октябрь » 17 » "Эхэ хэлэн - мүнхын аршаан"
20:19
"Эхэ хэлэн - мүнхын аршаан"

      Сентябриин 26-да Ивалгын дасанда буряад хэлэндэ зорюулагдаhан "Эхэ хэлэн - мүнхын аршаан" гэhэн мүрысөөн үнгэрөө. Тэндэ бидэшье  олон hургуулинуудай тоодо орожо, хүсэ шадалаа, шадабарияа харуулха hанаатай, хабаадалсахаяа ошообди. Хэд бэ гэхэдэ: би, Дондукова Сэлмэг, Митыпова Сарюна, Балданова Сарана, Цыденжапов Буян. Энэ мүрысөөндэ  Буряадаймнай аймагуудhаа гадна, аяар холын хүршэ Иркутскын Алайрhаа, Шэтын областиин Агаhаа олон үхибүүд  хабаадалсаhан байна. Булта бүлэгүүдые тоолоходо, 51 болоно. Мүрысөөн Ивалгын дасанай хубарагуудай hурадаг дээдэ hургуулиин байшан соо үнгэргэгдөө. Булта сугларhаниие амаршалhанай hүүлээр, бүлэгүүд хэдэн аудиторинуудаар хубаагдаад,  мүрысөөнүүд  захалаа. Бидэ урид тестнуудые хээбди, реклама харуулаабди, hүүлдэнь 51 басагад ба 51 хүбүүд мүрысэhэн байна. Басагад тобшонуудые буряад дэгэлэй энгэртэ хадаха, харин хүбүүд элдэб янзын буряад уялаа уяха ёhотой байгаа. Россиин телеканалай корреспондентнуудай Буянhаа буряад уялаануудай тайлбари ойлгуулжа үгыш гэжэ хандахадань, Буян ехэ зохидоор, томоотойгоор  хөөрэжэ үгөө.  Тэндэ бидэ Иванов Тумэнтэй улзаабди. Тэрэ баhал мүнөө hуража байhан 1-дэхи лицей-интернадайнгаа бүлэгэй гэшүүн боложо, энэ мүрысөөндэ ерээ. Иигэжэ энэ  мүрысөөн түгэсөө, харин hайнаар асуудалдаа харюусаhан ба реклама харуулhан үхибүүд үшөө дахин бултанда харуулаа. Тиигэбэшье бидэ hуури эзэлээшьегүй hаа, ехээр уйдхарангүй ерээбди. Юундэб гэхэдэ, энэ мүрысөөндэ бэлдэхэдээ , буряад хэлэнэмнай багша Дондукова Оюна Цыбиковна олон үдэрэй турша соо маанадта олон юумэ заажа, хөөрэжэ үгөө. Бидэ мүнөө буряадайнгаа ёhо заншал, түүхэ, Буддын шажан тухай олон шэнэ мэдэсэ абаабди. Тиибэшье энэ манай түрүүшын алхамууд, үшөө урдамнай олон мүрысөөнууд ха юм! Yшөө hайнаар бэлдэжэ, илгаржа, түрүү hуури абахамнай болтогой!

Просмотров: 172 | Добавил: Перла | Рейтинг: 0.0/0
Всего комментариев: 0
Имя *:
Email *:
Код *:
Форма входа
Поиск
Календарь
«  Октябрь 2014  »
ПнВтСрЧтПтСбВс
  12345
6789101112
13141516171819
20212223242526
2728293031

Copyright MyCorp © 2018
Бесплатный хостинг uCoz